អគ្គរដ្ឋទូតរុស្ស៊ី ប្រចាំប្រទេសទួគី រងការធ្វើឃាតនៅទីក្រុង Ankara (មានវីឌីអូ)

(ប្រទេសទួគី) ខ្មាន់កាំភ្លើងម្នាក់ដែលបានស្រែកថា "កុំភ្លេចទីក្រុង Aleppo!" បានធ្វើឃាតទៅលើអគ្គរដ្ឋទូតរុស្ស៊ី ប្រចាំប្រទេសទូគី នៅក្នុងវិចិត្រសាល Ankara កាលពីថ្ងៃចន្ទ ទី១៩ ខែធ្នូ ឆ្នាំ២០១៦ កន្លងទៅ ដែលទង្វើឃាតកម្មនេះត្រូវបានថ្នាក់ដឹកនាំរុស្ស៊ី និងទួគីហៅថាការវាយប្រហារភេរវកម្ម។

រូបភាព និងវីដេអូជាក់ស្ដែងនៃការបាញ់ប្រហារទៅលើលោកអគ្គរដ្ឋទូត Andrey Karlov បានចែកចាយទូទាំងពិភពលោកយ៉ាងឆាប់រហ័សតាមប្រព័ន្ធអ៊ីនធឺណេត។ អំពើឃាតកម្មនេះកើតឡើងស្របពេលដែលកំពុងមានកិច្ចពង្រឹងទំនាក់ទំនងរវាងប្រទេសទាំងពីគឺ រុស្ស៊ី និងទួគី។ ថ្នាក់ដឹកនាំនៃប្រទេសទាំងពីរបានប្ដេជ្ញាថានឹងមិនបណ្ដោយឲ្យករណីឃាតកម្មនេះក្លាយជាស្រមោលគ្របដណ្ដប់លើទំនាក់ទំនងប្រទេសទៃងពីរទេ។ វាក៏កើតឡើងក្នុងឱកាសដែលរូស្ស៊ីជាលេសដ៏សំខាន់ដែលប្រធានាធិបតីប្រទេសស៊ីរី Bashar al-Assad ជំរុញឲ្យមានការប្រយុទ្ធប្រឆាំងទាមទារកាន់កាប់ផ្នែកខ្លះរបស់ប្រទេសស៊ីរីឡើងវិញ។

ក្នុងការផ្សព្វផ្សាយមួយ, ប្រធានាធិបតីរុស្ស៊ី Vladimir Putin បាននិយាយថាការធ្វើឃាតនេះជាការញុះញង់មួយក្នុងគោលបំណងមិនមែនត្រឹមតែចង់បំបែកបំបាក់ទំនាក់ទំនងរុស្ស៊ីនិងទួគី ប៉ុន្តែវាទាក់ទងនិងដំណើរការសន្តិភាពប្រទេសស៊ីរីដែលទ្រទ្រង់ដោយ រុស្ស៊ី ទួគី អ៊ីរ៉ង់ និងប្រទេសផ្សេងទៀត។
គាត់បានថ្លែងទៀតថា "ការឆ្លើយតបតែមួយគត់ទៅនឹងករណីឃាតកម្មនេះគឺ ការប្រយុទ្ធប្រឆាំងនឹងភារវកម្ម, ហើយក្រុមឧក្រិដ្ឋជននឹងនៅមិនសុខ"!
ប្រធានាធិបតីប្រទេសទួគី លោក Recep Tayyip Erdogan បានបន្ថែមពីលើសេចក្ដីថ្លែងការរបស់លោក Putin ថា ការធ្វើឃាតនេះមានចេតនាចង់បំបែកបំបាក់ទំនាក់ទំនងរុស្ស៊ីនិងទួគី, ប៉ុន្តែរដ្ឋាភិបាលរុស្ស៊ី និងទួគី នឹងមិនចាញ់ល្បិចកលនៃការញុះញង់នោះទេ។

ប្រភពអត្ថបទ: CNN